^سعوديه .. سعوديه .. واللي عنده شئ يتفضل ..... ـ^

بســـــم الله الرحمن الرحيــــــــــــــــم ....


أعضاء منتدى بنات موني قرأت الموضوع في احد المنتديات وقلت خليني انزله عندكم اشوف ارائكم

سعوديه قتلت طفلها واحرقت الجثه ,, سعوديه قطعت زوجها اشلاء وهربت مع عشيقها ,,, سعوديه ينفذ فيها حكم
القصاص ,,,

سعوديه وسعوديه وسعوديه ...


مافيه كائن حي كل خطواته محسوبه غيرنا يالسعوديات ؟؟ مافيه احد فيه عيوب الا حنا مافيه احد ينتحر الا حنا مافيه

احد يسرق ,, يقتل يكذب يسوي اي مصيبه بهالدنيا غير السعوديات ؟؟؟؟؟؟؟

اسالكم بالله من متى وحنا ننادي بعض بالجنسيه اللي ننتمي لها ؟ صار اكبر هم بعض الناس نشر الفضايح ونقل
الأخبار ولا .... اللي نلقى عليه اقبال اكثر من غيره لما يكون بأول العنوان سعوديه ؟؟

ليش بعض الناس همه بس شوفو السعوديات وش يسون ؟؟

يعني معقوله باقي الجنسيـــات ملائكه مافيه احد غير السعوديـــن ؟؟

ماعمري شفت خبر مصريه سوت كذا والا سوريه فعلت كذا والا لبنانيه والا اماراتيه والا فلسطينيه ؟؟ ليش لهالدرجه

الحقد ويبون يشوهون صورتنا بأي شئ والمشكله ان اللي ينزل الموضوع بعضهم سعوديين

ولو نجي للعكس لو تسوي سعوديه اي شئ ايجابي مانلقى اي اهتمام ؟؟ فيه سعوديات ابدعوا دكتورات وصحفيات
ونساء ناجحات بالمجتمع ومالهم اي ذكر ؟؟

و لو نشوف اي لبنانيه او سوريه او ايا كانت جنسيتها لو تفتتح سوبر ماركت كل الدنيا تقوم وتقعد والشئ اللي سوته
تافه ماله اي فائده ؟؟

بس ابي افهم شئ واحد .. وش الهدف لما تحدد جنسية الشخصيه اللي بموضوعك ؟؟ ليش ماتكتب إمراءه فعلت كذا

وإمراءه قالت كذا ...؟؟

من متى وحنا نركز على الجنسيه ونخلي بيننا فرق ؟؟ مو كلنا مسلمين ؟؟ مو كلنا نشهد
ان لا إله الا الله وان محمد رسول الله ..


طالعوا بالقنوات الأجنبيه .. ادخلوا منتديات اجنبيه .. شوفوا كيف اسلوبهم ارقى مننا بكثير وحتى لما يكون فيه طرح

لموضوع ما يقولون والله فيه بريطانيه سوت كذا ,والا اميركيه حطت كذا ..؟؟ ولا هو اكبر همهم

تدرون ليش ؟؟ لأن همهم اكبر من همنا قاعدين يتفرجون علينا وحنا كل واحد يلقب الثاني بلقب ؟؟

مابي ابعد كثير عن محور كلامي

ابي افهم ؟؟ ليش الكل السعوديات موضع اهتمام الكل او بمعنى أصح ؟؟ السعوديات تحت المجهر كل خطوه

تنحسب ضدها مو لها ؟؟

والا يعني عشان دولتنا المملكه العربيه السعوديه هي الوحيده اللي تطبق الأحكام الشريعه تماما كما نزلت

بالمصحف الشريف وكما امر بها الرسول عليه الصلاة والسلام ؟؟ بالرغم من انه باقي الدول فيها بلاوي الدنيا بس

مستوره لأنهم مو سعودييين ؟؟

وحتى الأشخاص اللي يسعون ورا هالخرابيط والفضايح اللي والله ما ينقلها الا شخص ناقص والعتب على

السعوديين اكثر من غيرهم ..

اقرا كثير مواضيع زي كذا .. واشعر بالحقاره لو دخلت ورديت على هالشخص اللي اختار ((سعوديه)) عنوان لموضوعه

عشان يشوف اكثر ردود ومشاهدات ؟؟ للأسف هالشخص يشعر بنقص ؟ والا وش راح يستفيد لو نقل موضوع زي

كذا ؟؟ بالله ابي واحد بس يجاوبني برد مقنع وش الفايده لو كتبت موضوع عن السعوديات ؟؟ ليش تحدد الجنسيه

اصلن ؟؟؟

والا هي كذا دائم الشجره المثمره ترمى بألاحجار ؟؟

صدقوني مادفعني لكتابة هالموضوع الا غيرتي على وطني وغيرتي على باقي خواتي السعوديات لأني وحده منهم

وللأسف اشوف العالم مالهم هم الا سعوديه راحت وسعوديه جات ؟؟ الى متى عقليتهم كذا وتفكيرهم كذا ؟؟



واخر شئ اقولها بالصوت العالي لي الفخر اني سعوديه .. لي حقي ولي وجودي ولي إحترامي والحمدلله اني انخلقت سعوديه




وصدقوني الحق على المشرف اللي يشوف هالشئ وساكت ؟؟ وين دورك ؟؟ ليش ماتطلب من الشخص اللي كاتب الموضوع انه مايحدد هوية الشخص اللي موجود بموضوعه ؟؟


لكن هي بأول والأخير ترجع لك انت ؟


اتمنى انكم فهمتوا وش قصدي .. مع اني اعرف ان اسلوبي مش مره بالتعبير بس هذا اللي ربي قدرني عليه

خلونا نرتقي بتفكيرنا شوي .. وخلونا نترقي بمعاملتنا للأفضل .. ياأمه محمد عليه الصلاة والسلام ياخير أمة طلعت

على وجه الأرض ...


ومن الآن اقولكم صدقوني نظرتي راح تتغير للشخص اللي راح القى بموضوعه طاري للسعوديات وبالأساس لا يتوقع اني راح ادخل الموضوع لأن الشخص اللي عنوانه كذا وش لي فباقي الموضوع ..






هــــــذا اللي عند السعوديه ..


واللي عنده شئ يتفضل يقوله .. ؟؟ والسعوديه راح ترد عليه
اسف على الإطاله ...
وشكــــرااا..